3,2,1 ... RODANDO O NOSO MANNEQUIN CHALLENGE

Vaia reto ... quedarnos quietos!!! Co que nos gusta a nós estar en movemento!!! Seremos capaces de superar este reto que se está convertindo nunha moda en Internet ... gravar un video como se fósemos estatuas. Queredes ver se o conseguimos? Mirade o seguinte video e o descubriredes!!!

ESTREA DA OBRA "O COELLIÑO BRANCO"

O traballo con este conto comezaba hai uns meses, cando empezamos a ler " O coelliño branco" nas clases de Lingua para ver un exemplo de conto no que se mesturaba partes dialogadas e partes narrativas, pois era o que andabamos a traballar eses días ... E unha cousa foi levando á outra ...xa que estabamos lendo o conto, pareceunos boa idea dramatizalo .. comezamos a ensaiar, a pensar en facer unha obra de teatro, a tomar decisións de como nos iamos caracterizar ... a pensar en quen lle podiamos representar a nosa obra ... e foi pasando o tempo ata HOXE, o día no que representamos a obra para os nenos e nenas de Infantil e de 1º curso.

O coelliño branco é unha historia de amizade, de empatía e compañerismo que nos ensina que a valentía non ten nada que ver co tamaño ou coa forza se non coa intelixencia e a audacia.

TRABALLANDO COAS EMOCIÓNS

Levamos todo o trimestre traballando sobre este libro:O EMOCIONARIO

Un libro que nos fixo adentrarnos nas diferentes emocións, algunhas xa coñecidas para nós e outras que non o eran tanto.
Aquí tedes algunhas reflexións feitas polos nenos e nenas da clase:
- HUGO: pensaba que había poucas emocións pero lendo o libro descubrín que había moitas máis das que pensaba.
- CARLOTA: este libro axúdanos a ver e entender todas as emocións que temos no noso corpo.
-AITOR: este libro axudounos a expresar as nosas emocións cando tivemos que pensar en situacións que nos sucederan a nós mesmos.
- FABIÁN: ao principio só coñecía poucas emocións e co libro descubrín moitas máis. Chamoume a atención a frustración.
- ZAIRA: este libro axudounos a coñecer moitas emocións novas como o desalento.
- ELOY: chamoume a atención a tristeza, que expresa unha forma de ser.
- TEO: as ilustracións axudáronnos a coñecer mellor a emoción que estábamos vendo.
- ADRIÁN: pensaba que as emocións eran unha tontería pero agora non.
- SABELA: ás veces tiñamos que interpretar as ilustracións para saber o que significaban.
- ANXO: este libro ensinounos que hai emocións boas e malas.
- NEREA: este libro ensinounos que podemos ter diferentes emocións.
- ARÓN: aprendimos novas emocións.
- BRAIS: gustoume porque aprendín cousas novas.
- IAGO: aprendín moito sobre emocións que non sabía.

ADXECTIVO OU NOME?

Xogo por equipos para agrupar as palabras segundo sexan adxectivos ou nomes. Despois, como sempre, un tempo para a autocorrección, cada equipo corrixe o seu traballo!!

VISITANDO A BIBLIOTECA MUNICIPAL E A RADIO LOCAL

Antes de rematar o trimestre fixemos unha pequena saída á Estrada. Primeiro fomos visitar a biblioteca municipal e a continuación Radioestrada ... e algúns de nós ata falaron pola radio!!!